رشتاية بالعدس أو ستي زبقيأكلة سورية عريقة وقديمة كتير وتعتبر من الشوربات أو أكلة رئيسية
- المقادير:
- 500غ كيس معكرونة أي نوع (شرائط فيتوتشيني)
- أو عجينة طحين ومي وملح بنعجنها وبنريحا نص ساعة بنفردا وبنقطعا شرائط طويلة
- 2معلقة سمنة أو زيت زيتون مقدار ربع كوب
- بصلة كبيرة مفرومة ناعم
- 1م صغيرة بهار حلبي مشكل
- 1 -1/2 م صغيرة ملح أو حسب الرغبة
- عدس بني حب كاسة كبيرة
- توم وكزبرة خضرة حسب الرغبة
- عصير ليمون حسب الرغبة
- رشة فلفل أسود
الطريقة:
بنسلق العدس ليستوي
بنسلق المعكرونة لتستوي
بنضيف المعكرونة عالعدس المسلوق
بنضيف ملح وبهار حلبي وفلفل أسود
بنقلي البصل بزيت او سمنة ليدبل ويشقر شوي
بضيف البصل مع الزيت على العدس والمعكرونة
بخليهن يغلو كم غلوة
وكمية السائل بنضيفو حسب الرغبة كمان
وآخر شي بنضيف عصير الليمون وتقلاية التوم والكزبرة وبنطفي تحتا وصحتين وهنا بتتقدم مع ليمون وخضرة مشكلة
فكرة
في أكلة شامية أسما ستي زبقي كمان بتنعمل بنفس الطريقة بس زيادة لحمة ناعمة بتتقلى مع البصلة
وصحتين وألف هنا
وهي أصولها بالعجين مو بالمعكرونة
