طنبورة اكلة حلبية بامتياز
( لوبية مع سلق )
من اكتر الاكلات المرغوبة والمحببة مع عصرة ليمونة يميييي
طنبورة
- المقادير
- نص كيلو لحمة مفرومة
- راس ثوم مطحون
- م ك كزبرة ناشفة
- مكعبين ماجي
- 4 م ك زيت نباتي
- م ص ملح
- 12باقة سلق
- نص كيلو لوبية مجففة
الطريقة:
منغسل السلق ومنفرمه خشن لانو عالتقلاية رح يدبل منقلي اللحمة والتوم والكزبرة ومنزل عليها السلق ومنحركه بدقيقتين رح يدبل ويتقلص منغطي عليه ومنتركه حتى يستوي السلق منحط اللوبية المسلوقة مسبقا ومنحركن مع بعض ومنتركن عالنار شوي حتى تنشف ماء السلق وياخدله شويه تقلاية وعصحن التقديم يقدم معها الليمون واللبن متوم والف صحة وهنا
